→Hego Uribe

Zientzia eta teknologia tailerrak antolatuko dituzte eskualdean, 14 eta 17 urte bitartekoentzako

Kriptografia, musika digitalean barneratzeko tailerra, desafio zientifiko-teknologikoen ginkana diseinatzeko edota mugikorretarako aplikazioak sortzeko tailerrak izango dira eskualdean.

Bizilabe ginkana Arrigorriagako jaietan // Argazkia: Elhuyar Fundazioa

Bizilabe Nerbioi-Ibaizabal ekimena jarri dute martxan eskualdean. Bizilabek STEAM (Science, Technology, Engineering, Arts and Mathematics) arloetan sakontzea du helburu, gazteen zientziarekiko eta teknologiarekiko interesa eta motibazioa piztearekin batera, ekintzailetasuna eta sormena bultzatuz. Ildo horretan, urritik urtarrilera bitartean zientzia eta teknologia tailerrak antolatuko dituzte eskualdean. Tailerrak 14 eta 17 urte bitartekoei daude zuzenduta.

Urrian hasita, 10 tailer izango dira guztira Nerbioi-Ibaizabaleko zortzi herritan (Urduña, Orozko-Arakaldo, Ugao, Zeberio, Arrigorriaga-Zaratamo, Basauri, Etxebarri eta Galdakao). Hilean behin, bi orduko saioa jasoko dute gazteek euren herriko aisialdi-gunean. Urtarrilera bitarte, lau saioetan zehar, hainbat eduki landu eta sortuko dituzte partaideek. Horiek 2020ko otsailaren 15ean Basaurin ospatuko den Bizilabe STEAM Festibalean aurkeztuko dituzte.

Eskualdean abiatu berri den Bizilabe Nerboi-Ibaizabal ekimena Elhuyarrek 2017an martxan jarritako Bizilabe proiektuaren baitan kokatzen da, eta Bizkaiko Foru Aldundiak eta Nerbioi-Ibaizabaleko udalerrietako Gazteria Sailek bultzatzen dute. Abiatu berri den Bizilabe Nerbioi-Ibaizabal ekimenak 2020 urtean segida izango du, eskualde mailako STEAM diagnosiarekin: eskualdeko gazteek STEAM arloei buruz duten perzepzioa zein den ikertuko da eta horren araberako eskualdeko STEAM estrategia zehaztuko da.

Bizilabe Nerbioi-Ibaizabal 2019 – Tailerrak

2019 Urria – 2020 Urtarrila

  • Arrigorriaga
    Kriptografia eta kode sekretuak. Scape Room bat eraikitzeko tailerra.
    Urriak 19, azaroak 23, abenduak 20, urtarrilak 18. 18:00-20:00
    Informazioa eta izena ematea: Arrigorriagako Gaztegunea
  • Basauri
    Mugark gabe. Guztiontzako etxeak diseinatzeko tailerra.
    Urriak 25, azaroak 8, abenduak 13, urtarrilak 10. 18:00-20:00
    Informazioa eta izena ematea: Basozelai Gizarte Etxea-Gaztegunea
    – Txispak ateratzeko eta herria sutan jartzeko esperimentuak.
    Urriak 26, azaroak 9, abenduak 14, urtarrilak 11. 18:00-20:00
    Informazioa eta izena ematea: Basozelai Gizarte Etxea-Gaztegunea
  • Etxebarri
    – Argien marrazkilari. Argiekin eta argazkiekin irudiak sortzeko tailerra.
    Urriak 16, azaroak 13, abenduak 18, urtarrilak 15. 16:30-18:30
    Informazioa eta izena ematea: Talka-Cime
  • Galdakao
    – Tekno-musikaria naiz. Musika digitalean barneratzeko tailerra.
    Urriak 24, azaroak 21, abenduak 26, urtarrilak 23. 18:00-20:00
    Informazioa eta izena ematea: Indarra Topagunea
    – Galdakaoko asmakuntza fabrika. Energian oinarritutako gailuak eraikitzeko tailerra.
    Urriak 18, azaroak 22, abenduak 27, urtarrilak 24. 18:00-20:00
    Informazioa eta izena ematea: Aperribaiko Topagunea
  • Ugao
    – Ginkana egin dezagun. Desafio zientifiko-teknologikoen ginkana diseinatzeko tailerra.
    Urriak 4, azaroak 8, azaroak 29, urtarrilak 3. 18:00-20:00
    Informazioa eta izena ematea: Ugaoko Gaztelekua
  • Zeberio
    – Nireapp. Mugikorretarako aplikazioak sortzeko tailerra.
    Urriak 25, azaroak 22, abenduak 27, urtarrilak 24. 18:00-20:00
    Informazioa eta izena ematea: Zeberioko Gaztelekua
  • Orozko
    Orri biziak. Ilustrazio zientifikoaren tailerra.
    Urriak 19, azaroak 9, abenduak 14, urtarrilak 11. 18:00-20:00
    Informazioa eta izena ematea: Induma Gazte eta Kultura, Informazio Gunea
  • Urduña
    – Zientziatuberra naiz. Zientzia Youtuben zabaltzeko tailerra.
    Urriak 26, azaroak 30, abenduak 28, urtarrilak 25. 11:00-13:00
    Informazioa eta izena ematea: Alondegia Gizarte Etxea
Gora

Geuria Laguntzaileak Geuria Laguntzaileak