☉ Hego Uribe
Eskualdeko enplegua sustatuko dute STEAM proiektuaren bidez
Foru Aldundiak eta Nerbioi-Ibaizabaleko udalerrietako gazteria sailek, Elhuyarrekin elkarlanean STEAM proiektua jarri dute martxan, eskualdeko enplegua bultzatzeko asmoa duen Bizilabe ekimenaren jarraipena.
STEAMek zientzia, teknologia, ingeniaritza, artea eta matematikak hartzen ditu bere gain, eta aurreikuspenen arabera Europak zientzialari eta teknologo gehiago beharko ditu epe laburrean. Aurreikuspen horien arabera “ez da izango lanpostu horiek betetzeko behar adina langile gaitu”. STEM ikasketak (zientzia eta teknologiakoak, alegia) hautatzen dituzten ikasleak gutxi dira eta emakume gutxi daude horien artean.
Bizilabe STEAM Festibala, Basaurin, 2020ko otsailan // Bizilabe
10 ikastaro, Hego uriben
STEAM Proiektuak hainbat jarduera jasotzen ditu Hego Uriben. Azpimarragarrien artean, eskualdean antolatuko diren zientzia eta teknologiaren inguruko 10 ikastaroak daude: telekomunikazioa, zientziarekin lantzeko sukaldaritza, kriptografia… ikastaro hauek eskualdeko zortzi herrietan eskainiko dira otsailaren erdialdean eta gehienak herrietako gazteguneetan prestatuko dituzte, online egiteko aukerarekin.
Gainera, hezkuntza inguruan STEAM komunitate sarea osatuko da gazteria saileko begiraleen, ikastetxeen, enpresen eta bestelako eragileen parte hartzaileen elkarlanaren bidez eta trebakuntzak zein aurkezpen-saioak antolatuko ditu Elhuyarrek STEAM proiektua azaltzeko. Gainera, bisitak antolatuko dituzte eskualdeko enpresetara. Horrela, ikasleek gertutik ezagutuko dituzte eskualdeko STEM profesionalak eta enpresa partehartzaileek STEAMen formazioa jasoko dute.
Proiektua borobiltzeko, eskualdeko STEAM diagnosia egingo dute, bertako gazteen asmo profesionalak gertutik ezagutzeko, eskualdeko industria eta enpresen lanaren inguruko ezagutzak jakiteko eta euren etorkizunaren aurreikuspena egiteko.
Athletic Clubek Kopa irabazi, Gabarra Nerbioi ibaian atera da eta hortxe da Aitor Paredes arrigorriaga. GEURIAn ospakizunak bertatik bertara jarraitu ditugu.
Ver esta publicación en Instagram
Hego Uribeko kaleen giroaz gozatzeaz gain, Arrigorriagan eta Basaurin jarritako pantaila erraldoietan izan ginen atzokoan. Giro aparta, urduritasuna eta festa izan ziren nagusi. Emozioz beteriko gaua izan zen atzokoa Hego Uriben. Ehunka Athleticzale Sevillan izan ziren eta milaka euren herrietako kaleak hartu zituzten.
Berezia izan zen Arrigorriagan antolatutako jaia. Izan ere, arrigorriagar batek jokatu zuen Kopako finala: 120 minutuak jokatu eta irabazi. Aitor Paredes oso presente izan zuten atzokoan Arrigorriagan. Arrigorriagarrak jokatu duen lehen finala izan da eta lehenengoan lortu du garaile izatea.
BASAURI
Partidu aurrekoak
Ver esta publicación en Instagram
ARRIGORRIAGA
Partida aurrekoak
Ver esta publicación en Instagram
ARRIGORRIAGA
Garaipenaren ospakizunak
Ver esta publicación en Instagram
☉ Hego Uribe
Argazkiak / Hego Uribe zurigorriz jantzi da Kopako finalaren atarian
Eraikinak, etxeak, balkoiak… dena da zuri eta gorri Basauri, Galdakao, Etxebarri, Arrigorriaga, Usansolo edo Ugaon
Egun bakarra falta da Kopako Finalerako, eta Hego Uribeko herriak zurigorriz jantzita ageri dira, dotore eta alai. Eraikinak, etxeak, balkoiak… dena da zuri eta gorri Basauri, Galdakao, Etxebarri, Arrigorriaga, Usansolo edo Ugaon. Hona hemen GEURIAn batu ditugun argazkiak:
BASAURI
SAN MIGEL
GALDAKAO
ARRIGORRIAGA
ETXEBARRI
USANSOLO
UGAO
☉ Hego Uribe
Argazkiak / GEURIA eta Hego Uribeko AEK batera eskualdeko lehen eguneko azken kilometroan
Hego Uribe eskualdetik birritan igaro(ko) da 23. Korrika. Atzo Usansolo, Galdakao, Aperribai, Etxebarri, Basauri, San Migel eta Arrigorriaga zeharkatu zituen lekukoak eta Buiara bidean, eskualdeko azken kilometroa, GEURIAko kazetariok eta Hego Uribeko AEKko irakasleek 1817. kilometroa elkarbanatu genuen. Gaur eguerdian Korrika Ugaora eta Zeberiora iritsiko da.
23. Korrikak egin du dagoeneko ibilbidearen erdia, eta orduak baino ez dira falta euskararen lasterketa erraldoia Hego Uribe eskualdean ikusteko (eskualdeko ibilbidea eta mapak hemen!).
Martxoaren 21ean 11:56ak aldera iritsiko da Erletxera eta handik aurrera Usansolo, Galdakao, Aperribai, Etxebarri, Basauri eta Arrigorriaga zeharkatuko ditu Korrikak.
Eskualdeko hainbat herritarrek eta elkartek eramango dute euskaren aldeko mezua eta lekukoa, baita GEURIAk ere. Zehazki, 1817. kilometroan hartuko dugu lekukoa GEURIAko kazetariok, Mendikosolo eta Ur Partzuergoa atzean utzita eta Buiara bidean.
Eskualdeko AEKko ordezkariekin eta Zaratamoko Udalarekin batera elkarbanatuko dugu 1817. kilometroa. Lehenengo Zaratamoko Udalaren izenean Jon Lacoume herritarrak eramango du lekukoa (Udalak zozketa antolatu zuen herritarren artean eta Joni egokitu zaio), eta ondoren GEURIAk eta AEKk hartuko dugu.
Bestetik, martxoaren 22an, ostiralez, berriro igaroko da 23. Korrika Hego Uribetik: Ugaotik eta Zeberiotik, alegia.
Arritxikerrak proiektuak sukaldaritza tailerra prestatu die Arrigorriagako txikiei
Basauriko gizon bat atxilotu dute Errioxan emakume bati egindako sexu erasoagatik
Arrigorriagako institutuak 25 urte: herritik herrientzat
⚪️🔴 GABARRA | Argazkiak | Aupa Aitor Paredes! Talde zuri gorria Kopako txapelketa ospatzen!
Argazkiak / Hego Uribe zurigorriz jantzi da Kopako finalaren atarian
Argazkiak / Usansolotik Sevillara: bi herritarrek 900 kilometro egin dituzte bizikletan Athleticen finala ikusteko
Basauriko gizon bat atxilotu dute Errioxan emakume bati egindako sexu erasoagatik
’17. Logela’ ihes gela antolatu dute Arrigorriagako Argala plazan
