→Hego Uribe

2023ko Frantziako Tourrak Vivero igoko du bere lehenengo etapan

galdakao espainiako itzulia 2016 vivero 1
Txirrindulariak eta zaleak Viveron, 2016ko Vueltan // Geuria

2023ko Frantziako Tourra Euskadin izango du hasiera. Hain zuzen ere, lehenengo hiru etapek presentzia izango dute euskal lurraldean: lehenengo etapa Bilbo-Bilbo izango da, bigarrena Gasteiztik Donostiara bitartekoa, eta hirugarrena Zornotzatik Baionara bitartekoa.

Hego Uribe eskualdetik ere igaroko da Tourra. Lehenengo etapa bertatik igaroko da: Vivero errepidetik, alegia. Uztailaren 1ean, larunbatez, izango da hori. Etapa Bilbon hasiko da, eta Laukiz, Sopela, Gaztelugatxe, Gernika, Ibarrangelu, Zabaleta, Gernika, Morga, Vivero, eta Pike zeharkatuko ditu, gero Bilbon bukatzeko. Gure eskualdera Larrabetzutik sartuko dira txirrindulariak, eta Gumuziotik Viverora igoera hasiko dute, gero errepidean behera Lezamara joateko, handik Deriora, Bilbon bukatzeko.

Tourra 2023 Euskadin

Frantziako Tourraren 110. edizioa izango da 2023koa, eta 31 urte eta gero Euskaditik irtengo da. Lehenengo hiru etapak egingo dituzte txirrindulariek Euskadin:

2023/07/01
1. etapa: Bilbo-Bilbo (185 kilometro)
Bilbo, Côte de Laukiz, Sopela, Côte de San Juan de Gaztelugatxe, Bermeo, Gernika, Ibarrangelu, Zabaleta, Gernika, Côte de Morga, Côte de Vivero, Sondika, Côte de Pike, Bilbo

2023/07/02
2. etapa: Gasteiz-Donostia (210 kilometro)
Gasteiz, Legutio, Côte d’Udana, Côte d’Aztiria, Zaldibia, Côte d’Alkiza, Hernani, Côte de Gurutze, Jaizkibel, Donostia

2023/07/03
3. etapa: Zornotza-Baiona
Zornotza, Côte de Trabakua, Côte de Milloi, Deba, Côte d’Itziria, Zarautz, Côte de Orioko Benta, Donosti, Irun, Baiona

Gora

Geuria Laguntzaileak Geuria Laguntzaileak