→Ugao

Haur eta gazteentzako hainbat jardueratan izena emateko epea zabaldu du Ugaoko Udalak

Ugaoko Udalak gazteentzako tailerretan izena emateko epea zabaldu du Gazteinfon eta Ugaoko Gaztelekuan

Eskuz egindako futbolin baten adibidea // Rincón Útil

Ugaoko Udalak gazteentzako tailerretan izena emateko epea zabaldu du Gazteinfon eta Ugaoko Gaztelekuan. Urriko eskaintzan jarduera ugaritan izena eman ahal izango dute herriko gazteek: tailerrak, irteerak, jokoak… Gainera, hilabete bukaeran Gau Beltzaren inguruko jarduerak antolatu dituzte Gaztelekuan.

Prestatu dituzten jardueren artean aipagarriak dira ondorengoak:

  • Futbolinak Sortzen, urriaren 9an, 17:00etan: tailerrean parte hartu nahi dutenek kartoizko zapata-kutxa bat eroan beharko dute klasera. Interesdunek urriaren 6ra arte izena eman dezakete Jane Jauregian. Edukiera mugatua.
  • Ugao Chef, urriaren 23an, 17:00etan: interesdunek urriaren 20ra arte izena eman dezakete Jane Jauregian.
  • Sopuerta Abenturara irteera, urriaren 23an: erroldatuek 9 euro, ez-erroldatuek 16 euro. Edukiera mugatuko jarduera izango da eta izen-emateak Ugaoko Gaztelekuan egin daitezke urriaren 17ra arte. Informazio gehiago 688 746 570 telefono zenbakian.

Gau Beltzako apaingarriak // Topagunea

Jarduera horiez gain, Ugaoko gaztelekuan hurrengoak prestatu dituzte urrian zehar:

  • Urriak 1: Futbolin txapelketa
  • Urriak 2: Castronegroko Gizotsoak mahai jokoak
  • Urriak 9: Mario Kart
  • Urriak 10: Eskuaren jokoa
  • Urriak 15 eta 17: Gau beltzerako dekorazio tailerra
  • Urriak 23: Irteera Sopuerta Abenturara
  • Urriak 24: Krispetak
  • Urriak 29 eta 30: Gau Beltzako dekorazioak jarriko dituzte
  • Urriak 31: Gau Beltzako jaia

Gaztelekuko jardueretan izena emateko ordutegiak: ostiraletan 17:30etatik 21:00etara eta zapatu eta domeketan 18:00etatik 21:00ak arte, aurrez aurre edo 946 480 704 telefono zenbakiaren bidez.

Gora

Geuria Laguntzaileak Geuria Laguntzaileak