→Ugao

Izaki Gardenakeko Jon Basaguren izango da Ugaoko Ganbarako Kontzertuen hurrengo protagonista

Jon Basaguren // Tom Hagen

Gasteiztarrak Izaki Gardenak taldearen errepertorioa eskainiko du formatu akustikoan.  Kontzertua Ugaoko Jane Jauregiko ganbaran izango da apirilaren 25ean (domeka), 18:30ean eta segurtasun neurri guztiak beteko ditu.

Izaki Gardenak

2012an sortutako taldea dugu Izaki Gardenak, Jon Basagurenen abestien bozgoragailua. Urte hartan Itsasargiak albuma argitaratu zuten eta geroxeago Amaieratik hasi (2013) eta Aurri Gara (2015) lanak publikatu zituzten. 2018an  Dena Oskol diskoa kaleratu zuten, zortzi abestiz osatutako vinilo, CD eta mp3 euskarriko lana, Sevillako La Mina estudioan ekoiztutakoa. Dena Oskol ameriketako folketik urrundu eta soulerantz hurbiltzen den diskoa dugu. 2020an Oasia / Gorputz-adar mamua kaleratu zuten eta taldearen Bandcampean eskuragarri dago.

Ugaoko Jane Jauregiko kontzertuan Jon Basaguren izango dugu taldearen abesti horiek formatu akustikoan gogoratuz.

Gora

Geuria Laguntzaileak Geuria Laguntzaileak