→Ugao

Argazki-lehiaketa antolatu dute Ugaon, 2023ko Hiribilduaren egutegia osatzeko

Ekainaren 24ra arte Ugaoko II. Argazki-Lehiaketa antolatu du Ugaoko Udalak, 2023ko Hiribilduaren egutegiko azala osatzeko

Argazki kamera // Unsplash

Ekainaren 24ra arte Ugaoko II. Argazki-Lehiaketa antolatu du Ugaoko Udalak, 2023ko Hiribilduaren egutegiko azala osatzeko. Aurtengo gaiak hiru dira eta auukeran daude:

  • Ugaoko kultura-ondarea
  • Ugaoko leku xarmangarriak
  • Ugaoko argazki paisajistikoa

Lehiaketa edonorentzat zabaldu du Ugaoko Udalak, “oinarriak betetzen diren bitartean”: argazkiak koloretan edo zuri-beltzean izan daitezke, JPG formatuan bidali beharko dira eta parte-hartzaile bakoitzak hiru argazki aurkeztu ahal izango ditu gehienez.

Aurtengo euskal ezkontzako momentua // Geuria

Lanen bidalketa

Lanak ugao-miraballes-museo@ortzadar.es helbide elektronikora bidali beharko dituzte parte-hartzaileek ekainaren 24a baino lehen, eta e.postan hurrengo datuak agertu beharko dira:

  • Argazkilariaren izen-abizenak
  • Argazkiaren izenburua(k)
  • Argazkien deskribapen laburra

Argazki guztiekin erakusketa antolatuko dute Ugaoko Jane jauregiko hallean ekainaren 27, 28, 29 eta 30ean, 10:00etatik 15:00ak arte eta 16:00etatik 18:00ak arte.Bertan, erakusketara joan diren pertsonek argazki gogokoena bozkatu ahal izango dute eta bozka gehien jasotako argazkiak 2023ko egutegiko azala osatuko du.

Gora

Geuria Laguntzaileak Geuria Laguntzaileak