Maiatzaren 29an, larunbatez, Gorka Urbizu izango da Ugaon, Ganbarako Kontzertuen barruan. Ez da kontzertu soila izango, baizik eta elkarrizketa musikatua izango da: “Gorkarekin solastatzeaz gain, 8-9 kanta eskeiniko dizkigu musikari nafarrak formatu akustikoan”, diote Sarea Sound System elkartetik.
Antolatzaileek aurreikusten duten sarrera eskaera handiari aurre egiteko, bi emanaldi antolatuko dituzte: bata 13:00etan eta bestea 18:00etan. Saio bakoitzean 60 lagunentzako edukiera egongo da. Sarrerak salgai jarriko dituzte maiatzaren 24an (16:30-18:30), 25ean (11:30-13:30) eta 26an (16:30-18:30) Jane Jauregiko beheko solairuan, 5 euroan. Pertsona bakoitzak gehienez bi sarrera erosi ahal izango ditu.
