→Ugao

Ugaok 6.500 euro bideratu ditu El Jaro ondoko padel pistako belarra aldatzera

Ugaoko Udalak El Jaro kiroldegi pareko padel pistako belarra aldatu du “erabiltzaileen segurtasuna areagotzeko” eta lanetarako 6.500 euro bideratu ditu.

El Jaro ondoko padel pistako belar berria // Geuria

Ugaoko Udalak El Jaro kiroldegi pareko padel pistako belarra aldatu du “erabiltzaileen segurtasuna areagotzeko” eta lanetara 6.500 euro bideratu ditu. Aldaketa egin baino lehen are ugari ikusten zen belarra ez zegoen lekuetan. Hori dela eta, soropil artifizial zaharra kendu eta berria jarri dute horren ordez.

Udaleko ordezkariek azaldu dute soropil artifiziala aldatuz gero “jokalarien segurtasuna handitzen dela eta lesioak saihesten direla, jokoaren kalitateari mesede egiteaz gainera”.

Ekaitz Mentxaka Ugaoko alkateak gehitu du asko direla padelean bikoteka jokatzen duten bikoteak: “Kirol honek onarpen handia du. Gure ardura da  kalitatezko zerbitzu bat ematea, gure bizilagunek, beste herri batzuetako pertsonez gain, kirola egin ahal izan dezaten esfortzuz mantentzen diren  instalazioetan eta jakinda kirola tresna nagusia dela osasunerako eta gure garapen pertsonalerako”.

Gora

Geuria Laguntzaileak Geuria Laguntzaileak