→Zaratamo

Bideoa | Karraskarien izurriteak murrizteko tranpa mekanikoak jarri dituzte Zaratamoko Arkotxa auzoan

Zaratamoko Udalak karraxkarien izurriteak murrizteko tranpa mekaniko bereziak jarri ditu Arkotxa auzoko estoldetan. Aurretik Elexalden jarri zituzten mota honetako tranpak: “Elexalden era honetako tranpa mekanikoak jarri genituen arratoi izurriteak saihesteko eta benetan arrakastatsuak izan ziren”, azaldu du Alberto Ugarriza Zaratamoko alkateak.

Smart Pipe deritzon tranpa hau dardoen bidez funtzionatzen du: arratoia tranpara gerturatzen denean, sensore batek animaliaren mugimendua eta gorputzeko tenperatura detektatu egiten ditu. Arratoia tranparen azpian jartzen den momentuan, gailuak dardoak jaurti eta momentuan hiltzen du animalia. Gorpua estolda sistemara joango da: “Pozoin tradizionala erabiltzen duten tranpetan jausten diren karraskariek heriotz gogorra eta luzea izan ohi dute eta dardoen bidezko gailu hauen bidez ez dute inolako sufrimendurik”, azaldu du Anticimex enpresako langileak.

“Pozoin bidezko tranpekin ez bezala, sistema mekaniko honek ez dio kalterik egiten naturari, errontizidarik eta elementu kimikorik erabiltzen ez duelako”, azaldu du Ugarrizak. GPSaren bidez, gailuaren funtzionamendua monitorizatuta dago eta karraskarien populazioparen kontrol zehatza egin daiteke. Karraskarien jardueraren datuak eta harrapaketa kopuruak biltzen dituen txostenak bidaliko dizkio Anticimex enpresak Zaratamoko Udalari.

Enpresako langileak hilabetero joango dira Arkotxara, gailuaren funtzionamendua egokia den ikusi eta momentura arte egindako lanaren fruituak aztertzera.

Arratoi-plagak saihesteko tranpa mekanikoak jarriko dituzte Zaratamoko Arkotxa auzoan

Gora

Geuria Laguntzaileak Geuria Laguntzaileak