☉ Zaratamo
Zaratamoko Zuloaga enpresako langileek protesta-martxa egingo dute Ugaotik Zeberiora
Zaratamoko Vulcanizados Zuloagako langileek protesta-martxa prestatu dute urriaren 22an, ostirala, Ugaoko Arandia futbol zelaiko aparkalekutik Zeberioko udaletxera. Topaketa 11:00etan antolatu Zaratamoko enpresako langileek.
Zaratamoko Vulcanizados Zuloagako langileek protesta-martxa prestatu dute urriaren 22an, ostirala, Ugaoko Arandia futbol zelaiko aparkalekutik Zeberioko udaletxera. Topaketa 11:00etan antolatu Zaratamoko enpresako langileek. Zeberiora heltzean adierazpenak irakurriko dituzte udaletxearen aurrean. Ugaotik Zeberiorainoko bidea 7 kilometrokoa da eta errepidetik igaroko da protesta.
Zeberioko udaletxea // Geuria
Hitzarmen propioa
Vulcanizados Zuloagako 23 langile 116 egun daramatzate greba mugagabean hitzarmen duin baten alde borrokan. Langileek-hitzarmen propioa djute helburu. Gaur egun Estatuko Kimika Hitzarmena dute eta euren lan baldintzak eta soldata duinak aldarrikatu nahi dituzte. ELA sindikatuaren arabera, “Zuloagako langile askoren soldata 1.050 eurokoa da”.
ELA Euskal Sindikatuak behin baino gehiagotan gogorarazi du Zaratamoko enpresak langileen greba eskubidea urratzen ari dela: “Aktiboan diharduten pertsonak kargu handiagoko enkargatuak eta ofizinetako langileak dira, langile babestuagoak. Aktiboan diharduten langileak greban ari direnen hutsuneak ordezkatzen ari dira“.
Greba mugagabean daudenetik hainbat mobilizazio antolatu dituzte langile kaltetuek: udan zehar elkarretaratzeak egin zituzten Arrigorriagan eta Zeberion, eta irailean Bilboko Gobernu Ordezkaritzako eraikinaren aurrean jarri ziren, euren hitzarmen duina aldarrikatuz.
Vulcanizados Zuloagako langileak, irailean Bilbon egindako elkarretaratzean // ELA Euskal Sindikatua
☉ Zaratamo
Kirola egiteko gune bat ipini gura dute Arkotxako antzinako medikuaren etxea zegoen lursailean, Zaratamon
Eraikina funtzio gabe gelditu zen kontsultak frontoi ondoko eraikinera lekualdatu zituztenean, 90. hamarkadan
Erabilera faltagatik eta bertan behera utzita egoteagatik, Arkotxa auzoko Kultur Etxearen ondoan kokatutako medikuaren etxea eraitsi zuen Zaratamoko Udalak iazko urte amaieran.
Gaur egun, lursaila egonkortu eta berdegune bat ipintzen ari da Zaratamoko Udala. “Leku horretan kirola egiteko aparatuak ipintzeko asmoa dugu lursaila egonkortuko denean”, azaldu dute udal ordezkariek. Eraikina funtzio gabe gelditu zen kontsultak frontoi ondoko eraikinera lekualdatu zituztenean, 90. hamarkadan.
Zaratamoko Udala: “Leku horretan kirola egiteko aparatuak ipintzeko asmoa dugu lursaila egonkortuko denean”
Medikuaren etxea eraikitzeko proiektua 1959an sortu zuten eta eraikitzea 1961eko apirilaren 15eko udalbatzan onartu zuten. Lanak 1962ko urtarrilaren 10ean hasi zituzten.
☉ Zaratamo
Arkotxa auzokoak dira Zaratamoko aurrekontu parte-hartzaileko hiru proiektu bozkatuenak
Olagane parkeko konponketak, Santa Barbara pasabideko irristadei irtenbidea ematea eta ariketa fisikoa egiteko gune bat izan dira auzotarren lehentasunak
Herritarrek berba egin dute. 2025eko udal aurrekontuan bezala, Zaratamoko Udalak 40.000 euro bideratu ditu auzotarrak gehien kezkatzen dituzten jarduketak egiteko, aurrekontu parte-hartzaileen bidez.
Horretarako, 13 aukera eskaini zituen Zaratamoko Udalak webgunean eta horietako hiru izango dira kontuan hartuko dituztenak martxoko udalbatzan proposatu ahal izateko, hirurak Arkotxa auzokoak.
Udaletxeko datuen arabera, aurten 199 bozka jaso dituzte otsailaren 9tik 13ra iraun duen prozesuan: “Iragazki lana egin behar dugu orain, kontuan hartu beharreko bozkak zaratamarrenak izan behar direlako eta 180 inguru izango dira prozesuan parte hartu duten herritarrak”, argitu dute udal ordezkariek.
Bozka gehien jaso dituzten proiektuak honakoak izan dira: Olaganeko parkea berriztea, bertan hesiak, sareak, ping-pong mahai bat ezarriz, besteak beste (12.350 euroko inbertsioa), Santa Barbarako pasabideko lurra birmoldatu (10.000 euro) eta Arkotxan ariketa fisikoa egiteko egiteko lokal bat antolatu (10.000 euro).
Proposamenak, udalbatzara
Hau jakinda, Zaratamoko gobernu taldeak proposamena luzatu behar du udalbatzan. “Alkatetzaren konpromisoa da aurkeztuko den proiektu horretan aipatu berri diren hiru proposamen horiek agertzea. Proposamen horiek onartu daitezke edo ez”, argitu du Alberto Ugarriza Zaratamoko alkateak.
Hurrengo egunetan, Udalak auzotarrek bozkatutako proposamen horiek programa eta kapituluetan sailkatuko ditu, udal aurrekontu osoa egokitu ahal izateko.
“Jendeak pentsa dezake bozkatutako aukera ez dela aintzat hartu, eta ez du zertan horrela izan behar; posible da auzotarrek egindako proposamen jakin batzuk udal aurrekontuko sistemako leku jakin batzuetan txertatzea, prozesu parte-hartzailetik kanpo”.
☉ Zaratamo
‘Ipuin klasikoak’ izango da Zaratamo eskolaren inauterietako aurtengo gaia
Ostiral eta larunbatean askotariko jarduerak prestatu dituzte txikientzat: kalejira, emanaldia, erromeria, musika, jolasak…
Otsailaren 13an eta 14an ospatuko dituzte aurtengo inauteriak Zaratamo eskolan eta aurtengo gaia ‘Ipuin klasikoak’ izango da.
Ostiral eta larunbatean askotariko jarduerak prestatu dituzte txikientzat Zaratamoko dantzariak – Untzurbe elkarteak eta Besopean Guraso Elkarteko kideek: kalejira, emanaldia, erromeria, musika, jolasak…
Egitaraua | Zaratamo eskolako inauteriak 2026
Otsailak 13, ostirala
10:00 Eskolako kalejira eta emanaldia
18:00 Erromeria, Elexaldeko plaza (Zaratamoko dantzariak – Untzurbe elkartea)
Otsailak 14, larunbata
12:00 Musika eta jolasak, Elexaldeko plaza (Besopean Guraso Elkartea)
☉ Zaratamo
Txirrindulari bat ospitalera eraman dute Zaratamon auto batek harrapatu eta gidariak ihes egin ostean
Istripua Zaratamoko Arkotxa auzoan izan zen, San Bizente elizako inguruetan. Auto gidariak ihes egin zuen
Atzo gauean, 22:15etan harrapaketa baten abisua jaso zuten larrialdi zerbitzuek. Auto bat, Bi-3701 errepidetik irten eta txirrindulari bat harrapatu zuen Arkotxa auzoan, San Bizente elizaren inguruetan.
Ertzaintzak GEURIAri azaldu lez, Bilbotik zetorren gris koloreko auto bat, errepidetik irten, txirrindulari bat harrapatu eta zuhaitz bat bota ostean, ezponda batetik erori eta etxebizitza bateko horma baten aurka jo zuen Zaratamoko Arkotxa auzoan.
Larrialdi zerbitzuak minutu batzuetan hurbildu ziren Zaratamoko auzora eta zauritu bakar bat topatu zuten bertan: txirrindularia. Galdakao-Usansolo erietxera eraman zuten. Autoaren gidariaren egoeraz galdetzean, Ertzaintzak azaldu du ihes egin duela eta ikerketa zabaldu dutela istripuaren kausak argitu ahal izateko.
Arkotxako auzotar batzuen arabera, gidaria San Mamesetik bueltan zetorren. Zautitua ospitalera eraman ostean garabi batek autoa eraman zuen.
☉ Zaratamo
Auto bat errepidetik irten da Zaratamon eta txirrindulari bat harrapatu ostean ihes egin du gidariak
Harrapaketa egin ostean, gidaria autotik irten eta ihes egin du. Ertzaintzak ikerketa zabaldu du istripuaren kausak argitzeko
Bart, 22:15ak aldera istripu baten abisua jaso zuten larrialdi zerbitzuek. Ertzaintzak GEURIAri azaldu lez, Bilbotik zetorren gris koloreko auto bat, San Bizenete eleiza ondoko BI-3701 errepidetik irten, txirrindulari bat harrapatu eta zuhaitz bat bota ostean, ezponda batetik erori eta etxebizitza bateko horma baten aurka jo zuen Zaratamoko Arkotxa auzoan.
Larrialdi zerbitzuak minutu batzuetan hurbildu ziren Zaratamoko auzora eta txirrindularia Galdakao-Usansolo erietxera eraman zuten. Autoaren gidariaren egoeraz galdetzean, Ertzaintzak azaldu du ihes egin duela eta ikerketa zabaldu dutela istripuaren kausak argitu ahal izateko.
Arkotxako auzotar batzuen arabera, gidaria San Mamesetik bueltan zetorren. Zautitua ospitalera eraman ostean garabi batek autoa eraman zuen.
Abusun aparkalekuak mugatzeko ordenantza onartu du Arrigorriagako Udalak
Euskal Pilota Egokituaren lehen txapelak Basaurin banatuko dituzte martxoaren 1ean
Kepa Iribar Elizegiren ‘Erleen azken ziztada’ liburua aztertuko du Leiduk martxoko hitzorduan
Argazkiak | Euriak ez ditu Arrigorriagako herri-inauteriak geldiarazi
Argazkiak | Lau urtaroak, Oilategi Deluxe eta Txorimaloak izan dira mozorrorik onenak Basaurin
