→Zaratamo

Paola Sangallik eta Sergio Gallegok Bioingeniaritza ikastaroa eskainiko dute Zaratamon

Bertako espezieak, Txarrotako urtegiko inguruetan landatuak // Geuria

Zaratamoko Udalak Bioingeniaritza ikastaroa eskainiko du Sangalli Corononel y Asociadoseko Paola Sangallik eta Sergio Gallego biologoek. Txarrotako berpiztearen proiektua burutzen ari diren biologoek eskainitako ikastaroa otsailaren 2an (09:00etatik 13:00ak arte) eta otsailaren 3an (10:00etatik 14:00ak arte) antolatuko dute. Ikastaroak hainbat helburu dauzka: bioingeniaritzaren oinarriak eta aktuazioak erakustea da eta teknikak ezagutzea, bai ibaietan eta baita mendoitzetan. Ikastaroan 1:20 eskalako maketak egingo dira eta teoria klaseetan ikasitakoa praktikan jarriko dute ikasleek 1:1 eskalako proiektuak eginez.

Sergio Gallego eta Paola Sangalli, Arkotxako Txarrota urtegi oihan // Geuria

Otsailak 2: teoria klaseak eta maketak

10:00-11:30 Ikastaroaren aurkezpena eta Bioingeniaritzako tekniken aplikazioen oinarriak, Paola Sangalliren eskutik

11:30-12:00 Atsedenaldia

12:00-14:00 Obra baten simulazioa eta egitura, burdin-sare, drainatze-fajina eta zume-txirikordatzeak eta 1:20 eskalako maketa-tailerra

Otsailak 3: tailer praktikoa

10:00-14:00 Tailerraren aurkezpena, materiale-aukeraketa, fajina, zume-txirikordatzea eta ziriztatzea eta espezie inbaditzaileen identifikazio klasea

Ikastaroa erdaraz emango dute eta parte hartzeko interesa dutenek administrazioa@zaratamo.eus webgunera idatzi beharko dute, lekuak mugatuak baitira.

Landare autoktonoak, Arkotxan // Geuria

Naturaren bidez ingurumena berreskuratuz

Disziplina tekniko-zientifiko honen bidez, landareak eraikitze-elementu bezala erabiltzen dira ingurumeneko berreskuratze lanak burutzeko. Lan egiteko esparruak anitzak dira eta teknika horien bidez ingurugiroa, erauzketa jarduerak (meatzeak, harrobiak…), azpiegiturak eta ur zonaldeak berreskuratu eta mantendu daitezke.

500 urteko euriteen urtegi ohia, bioaniztasunera bidean

Gora

Geuria Laguntzaileak Geuria Laguntzaileak