☉ Basauri
“Biolentzia kapitalista” salatzeko elkarretaratzea deitu dute Hego Uribeko Kontseilu Sozialistak eta GKSk Basaurin
“Muturreko pobrezia, indarkeria matxista edota lanean izan diren heriotzak” salatzeko elkarretaratzea deitu dute Hego Uribeko Kontseilu Sozialistak eta Gazte Koordinadora Sozialistak (GKS) abenduaren 29an, asteazkenez, Basaurin. Elkarretaratzea Bentako plazan izango da 19:00etan.
Hego Uribeko Kontseilu Sozialistatik eta GKStik ondorengo idazkia bidali dute GEURIAn publikatzeko:
Sistema kapitalistak langile klaseak jasaten duen indarkeria naturalizatzen du. Hildako langileak, eraildako emakumeak edo kale gorrian hiltzen direnak ez dira zoriaren, zorte txarraren, banakako erabaki okerren edo gobernuaren kudeaketa txarraren ondorio sistema kapitalistak oinarrian duen kapitalaren metaketa dinamikaren ondorio baizik. Izan ere, sistema kapitalista berez bortitza da, indarkeria mota horiek ezkutatu eta naturalizatzeko gai da, eskura dituen instituzio eta aparatu ideologiko guztiak erabiliz.
Krisiak ezaugarritzen duen garaiotan, langile klasea proletarizazio prozesu bat bizitzen ari dela ulertzen dugu. Pobretze masibo bat egonkortzen ari den garaiotan, gure bizitzako esparru guztietan langileriaren zaugarritasun egoera nabarmen okertzen ari da. Gauzak horrela, krisi egoera honetan, burgesiak zailtasunak ditu kapitalaren balorizazio prozesuan; hala, neurri ezberdinak aplikatzen ditu bere aginte politikoa mantendu eta ekoizpen eredu kapitalistaren modernizazioak beharrezkoak dituen aldaketa kulturalak errotzeko. Bide horretan ulertu behar ditugu kontrol sozialean garatzen ari diren aurrerapausuak, pandemiaren kudeaketa poliziala, covid agiria edo plataforma digitalen bitartez ezartzen ari diren interbentzio kulturala.
Krudeltasuna da sistema kapitalistak ezaugarritzen duen forma soziala. Horrela, errealitatean ematen diren adierazpen bortitzenak ( soldatapeko lanak, indarkeria matxistak eta muturreko pobreziak eraildako langileak) ekoizpen eredu kapitalistaren berezko harreman sozial kapitalisten adierazpen gisa ulertzen ditugu. Horren adierazle dira, esaterako, 2021ean soldatapeko lanean erail diren 56 langileak, indarkeria matxistaren ondorio izan diren eraildako 5 emakumeak, aurten kale gorrian bizitzen ari diren 3.000 pertsona inguru, urte betean eman diren 200 suizidioak, azken urtean eman diren 1.000 etxegabetzeak… Gainera, gogoan izan nahi ditugu ere, gurean, Hego Uriben, azken urtean soldatapeko lanean erail diren 3 langileak eta tratu txarrak jasan dituzen emakumeak.
Guzti horren aurrean beharrezkoa iruditzen zaigu sistema kapitalistak betikotzen dituen biolentzia forma ezberdinak salatzea. Norabide horretan, langileriaren antolakuntza independientea oinarri izanda, langileriaren askatasun unibertsalen alde egingo duen forma eraginkorra sortu beharrean gaude, masa alderdi komunistan gorpuztuko dena. Horregatik, Hego Uribeko Kontseilu Sozialistatik eta Gazte Koordinadora Sozialistatik (GKS), abenduaren 29an 19:00etan burutuko den kontzentraziora batzeko deia egiten dugu, kapitalismoaren biktimak oroitzeko eta antolakuntza komunista hedatzeko. Hori baita biolentzia kapitalistari modu integralean aurre egiteko gai den bide bakarra!
☉ Basauri
Asteburu solidarioa antolatuko dute Basaurin, Alex Garcia Galas herrikidearen alde
Apirilaren 27an eta 28an antolatu du asteburu solidarioa Basozelaiko El Maño Auzo Elkarteak. Besteak beste, haurrentzako parkea, paella solidarioa, bingo solidarioa eta zozketak antolatu dituzte
Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.
Aurreikuspenen arabera asteburu honetan aberriratuko du Defentsa Ministerioak hegazkin medikalizatu batean.
Aberriratzea emango den arren, ekimen solidarioek ez dute etenik. Basaurin, esaterako, El Maño Basozelaiko Auzo Elkarteak kanpaina bat jarri du martxan dirua biltzeko.
Alde batetik, itsulapikoak jarri ditu herriko saltoki eta tabernetan: “Momentuz 84 itsulapiko jarri ditugu herriko saltoki eta tabernatan, baina eskari gehiago jaso ditugu eta beste itsulapiko sorta bat jasotzeko zain gaude”, dio Gorka Del Rio Basozelaiko Auzo Elkarteko kideak.
Eta, beste alde batetik, apirilaren 27an eta 28an asteburu solidarioa antolatu dute Basaurin. Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.
“Ekimen solidario hauetatik bilduko dugun dirua Alexen familiari emango diogu. Familiak egin behar izan dituen —eta gaur egun egin behar dituen— gastuak ordaintzeko izango da”, dio Gorkak. Datuak datu, egunero Thailandian 3.000 eta 4.000 euro artean gastatzen ditu Alexen familiak, mediku probak egin ahal izateko.
Egitaraua / Asteburu solidarioa Alexen alde
Apirilak 27, larunbata
Haur Parkea: zezen mekanikoa, puzgarriak, goma elastikoa, jostailuak…
16:00-19:00 Solobarriako karpa
Apirilak 28, igandea
Barra solidarioa, musika eta zozketak (herriko saltokiek dohaintzan emandako produktuak) egunean zehar
12:00-19:00 San Jose Ikastetxeko jolastokia
Urdaiazpiko moztailea
12:00 San Jose Ikastetxeko jolastokia
Paella solidarioa
14:30 San Jose Ikastetxeko jolastokia
Bingo solidarioa: Iker Muniain Athelticeko jokalariak dohaintzan emandako Kopako finaleko kamiseta bat
18:00 San Jose Ikastetxeko jolastokia
☉ Basauri
Basaurik itsulapikoak jarri ditu Thailandian gaixo dagoen herrikidearen senideak laguntzeko
El Maño Basozelaiko Auzo Elkarteak kanpaina bat jarri du martxan dirua biltzeko. Herrian zehar momentuz 84 itsulapiko jartzeaz gain, apirilaren 27an eta 28an ekitaldi solidarioak antolatuko dituzte
Alex Garcia Galas basauriarra (Basauri, 36 urte) pankreatitisak jota gaixorik dago Bangkokeko (Thailandia) ospitale batean.
Otsailaren 25ean ospitaleratu zuten Zainketa Intentsiboetako Unitatean (ZIU) eta ordutik bere senideak Euskal Herriratzeko ahaleginetan dira.
Alexen ingurukoek zabaldu dutenez, familiak, “etsi-etsian”, hegazkin medikalizatu bat kontratatu zuen bertara ekartzeko, baina ez zioten hegan egiten utzi, “barne-odoljario larria izateko arriskua” baitzegoen.
Familiak 221.000 euro jarri zituen hegazkin medikalizatu hori kontratatzeko, baina ezin izan dutenez erabili, diru hori galdu dute.
Gauzak horrela, crowfunding kanpaina bat abiarazi dute Alexen lagunek eta senideek. Momentuz 114.445 euro bildu dituzte.
Diru bilketa Basaurin
Basaurin El Maño Basozelaiko Auzo Elkarteak kanpaina bat jarri du martxan dirua biltzeko: “Basozelaiko Auzo Elkartetik gure babesa adierazi nahi diogu gure bizilagun Alexen familiari eta apirilean zehar ekitaldi solidarioak antolatuko ditugu”, diote.
“Basozelaiko saltokietan itsaulapikoak jartzen hasi ginen, baina sare sozialen bitartez ekimenak izan duen oihartzuna ikusita, Basauri osora hedatu dira itsulapikoak”, dio Gorka Del Rio Basozelaiko Auzo Elkarteko kideak.
Guztira, 84 itsulapiko daude herriko saltokietan zehar. “Gainera, beste itsulapiko asko ere jarri ditugu Basauritik kanpo, adibidez, Eibartik idatzi ziguten bertan ere itsulapikoak jartzeko”, dio.
Bilduko duten dirua Alexen familiari emango dio Basozelaiko Auzo Elkarteak: “Bildutako dirua familiak egin behar izan dituen —eta gaur egun egin behar dituen— gastuak ordaintzeko izango da”.
“Egunero Thailandian 3.000 eta 4.000 euro artean gastatzen ari da familia, Alexi probak egin ahal izateko”, zehaztu dute El Maño Auzo Elkartetik.
Asteburu solidarioa
Beste alde batetik, itsulapikoez gain, El maño Basozelaiko Auzo Elkarteak asteburu solidarioa antolatu du apirilaren 27an eta 28an Basaurin.
Besteak beste, haurrentzako parkea, urdaiazpiko moztailea, paella solidarioa, bingo solidarioa, barra solidarioa eta zozketak antolatu dituzte.
Aberriratzea, asteburuan
Alexen senideak Margarita Robles Defentsa ministroarekin harremanetan jarri ziren aste hasieran eta horrek egoera aztertuko zuela adierazi zien.
Eitb-k jakinarazi duenez, asteburu honetan egingo dute basauriarraren aberriratzea. Marisol Garmendia Espainiako Gobernuak Euskadin duen ordezkariak baieztatu duenez, hegazkina asteburu honetan abiatuko da eta gaur arratsaldean jakinaraziko dituzte Alexen premiazko aberriratze dispositiboari buruzko xehetasunak.
Maialen Ibarra sanmigeldarrak ‘Aititeri’ abestiaren bideoklipa kaleratu du gaur. Abestia Patxi Ibarra bere aititeren omenez egindakoa da.
‘Sano abesten jarraituko dugu, nonbait gurekin abesten duzulakoan. Lasai asko utzi gaituzu. Zelako zortea zurekin izan dugun’, errepika du abestiak.
Joseba Ibarra Maialenen osabak eta Patxiren semeak txistuarekin laguntzen du abestian. Gainera, bideokliparen amaieran keinu berezia egin dio Maialenek bere aititeri: Patxiren ahotsarekin Erramun Martikorenaren ‘Xorieri mintzo zen’ abestia entzuten da.
Bideoklipa osorik dago grabatuta Basauriko Social Antzokian.
Patxik utzitako arrastoa
Patxi Ibarra Indartsu Clubeko sortzaile eta presidente izan zen, ez soilik futbol taldearena, baizik eta Indartsuk kulturan izan dituen adar ezberdinen sortzaile.
Txistu-irakasle izan zen, Danbolin Txistulari Elkartea 1985ean sortu aurretik, eta behin sortuta, taldearen bultzatzaile izan zen.
Basauri Koral Elkartean ere parte hartu zuen. Tenorea zen Ibarra, Aldana zenaren laguntzaile. 25 urtetik gora eman zituen Basauri Koral Elkartean.
Euskal kulturarekin konpromiso handia erakutsi zuen Patxi Ibarrak. Frankismo garaian, euskara klaseak eman zituen San Migeleko parrokian. Zuztarretatik Ahora, San Migel Kantari eta Basaurin Be Bagara ekimenetan ere parte hartu zuen Ibarrak.
Leherketa gertatu da gaur goizean Basauriko Sidenor enpresan. LAB sindikatutik adierazi dutenez, leherketa labean izan da, baina ez du zauriturik eragin.
Suhiltzaileak bertaratu dira eta enpresa bera ari da egoera kudeatzen.
Basauri Bonua kanpaina berria abiaraziko du Udalak apirilaren 22tik maiatzaren 19ra bitartean. Guztira herriko 140 saltoki atxiki dira kanpainara, iaz baino zazpi gehiago.
Aurreko urteetan bezala, bi bonu mota igorriko dituzte: bata 4 eurokoa, bezeroek 6 euro gastatu ahal izateko; eta bestea 10 eurokoa, 15 euro gastatzeko.
Aurrekoetan bezala, bonuak ez dituzte formatu fisikoan aterako. Bonuak kanpainari atxikitako establezimenduetan eskuratu behar dira, eta gehienez ere 60 eurora arteko bonuak erosi ahal izango dira NAN/IFZ/AIZ bakoitzeko. Ezin izango dira diru-truke aldatu eta, erabiltzen ez badira, ez da dirua itzuliko.
Kanpainara atxiki diren establezimenduen zerrenda apirilaren 22an bertan publikatuko dute bono.basauri.eus webgunean. Hala ere, saltoki bakoitzak Basauri Bonua identifikazio-eranskailua izango du.
100.000 euro gehiago
Basauriko Udalak 300.000 euro bideratu ditu aurtengo kanpainara, iaz baino 100.000 euro gehiago.
“Guztira 300.000 euro bideratuko ditugu ekimen honetara, baina udalerrian izango duen inpaktu ekonomikoa askoz ere handiagoa izango da, bezero bakoitzak bonua eskuratzean eta erosketa egitean ordaintzen duen kopurua gehitu behar baitzaio kopuru horri”, diote udal ordezkariek.
Bi orduko lanuztea eta manifestazioa egingo dute gaur Ugaon Envaseseko langileen alde
Etxebarrin aurkitutako Gerra Zibileko lehergailu militar bat suntsitu du Ertzaintzak
Asteburu solidarioa antolatuko dute Basaurin, Alex Garcia Galas herrikidearen alde
Hego Uribeko dozenaka pentsiodun Gasteizen batu dira 1080 euroko gutxieneko pentsioa aldarrikatzeko
⚪️🔴 GABARRA | Argazkiak | Aupa Aitor Paredes! Talde zuri gorria Kopako txapelketa ospatzen!
Argazkiak / Hego Uribe zurigorriz jantzi da Kopako finalaren atarian
“Gure Zirkua” Hego Uribera etorriko da lehen aldiz, Arrigorriagan zortzi saio eskainiz
Maialen Ibarra sanmigeldarrak abesti berria eskaini dio Patxi bere aititeri
