Iritziak

Iritzia | Benetako sare soziala

Egungo egoerak ez du parekorik, edo belaunaldikook behintzat ez gara kapazak gogoratzeko halakorik, 1983ko uholdeak akaso? Gure egunerokotasuna erabat gelditu digu birus horrek eta ezin ditugu iragarri ondorioak.

Inoiz ikusitako egoeren aurrean zaila da jakitea zein izango den jendearen jarrera. Hasiera batean, zoritxarrez, jarrera zekenenak agertu ziren (hau guztia pasatzen denean ea inork azaltzen didan zertarako erosi zuen horrenbeste komuneko paper).

Zorionez silborrari so dabilen jendea ez da nagusitu, eta hasierako zekenkeri eta ezjakintasunaren ostean jarrera positiboagoak agertu dira: gazteak haien burua eskeintzen etxetik atara ezin direneei mandatuak egiteko, deialdi partehartzaileak lehioetatik txaloka edo kantuka eskertzeko hainbat profesionalen lana, egoera latz hau eramangarriago egiten duten bideoak eta memeak, … gure telefonoen aplikazioak sutan daude.

Adibide horiek argi erakusten dute badagoela sare sozial bat, benetakoa, pantaila edo telefonoaren beharrik ez duena, eta azken urteetan urratuta zegoela zirudien arren, baduena ondino konponbiderik. Konfinamendu egoera honetatik ateratzean ezer ez da berdina izango, hala bedi, ea urratutako sare soziala birehuntzen dugun, beharrezkoa izango dugu eta.

Gora

Geuria Laguntzaileak Geuria Laguntzaileak