→Hego Uribe

Iritzia | Gora Hego Uribeko gazteria | Ernai

Martxoaren 28an, igandez, Hego Uribeko Ernaiko gazteok Artanda mendian batu ginen independentziaren alde eginez.

Hego Uribeko Ernaiko gazteak Artanda mendian // HU Ernai

Martxoaren 28an, igandez, Hego Uribeko Ernaiko gazteok Artanda mendian batu ginen independentziaren alde eginez eta inoren zain ez gaudela aldarrikatzen.

Aurten, Ernairen udaberriko ekimena eskualde eta herrietara ekarri behar izan dugu pandemiaren ondorioz, bestela topagune edo gazte martxa nazionalaren montaje eta prestaketetan egongo ginateke buru-belarri jada.

Planak egokitu bai, baina bizi dugun pandemia egoerak ezin du gazte borroka eten. Erantzukizunez, baina kalean egoteko unea da dudarik gabe. Kapitalak, pandemiaren kolpeari aurre eginez, bere irabaziak mantentzeko planak abiatu ditu, langileon kontura betiere. Horren adierazle dira, azken asteetan gero eta gehiago ikusten ari garen lankaleratzeak. Aipagarria dudarik gabe ere, kaleratze hauen aurrean langileriak erakutsi duen borrokarako grina. Tubacex-eko langileen borroka, borroka luze baten lehen txinparta besterik ez da. Dudarik gabe, gazteoi, barrikadaren lehenengo lerroan egotea dagokigu, gure sektorea baita pandemiak utziko duen eta jada bazetorren krisi ekonomikoak gehien kolpatuko duen sektorea.

Ezin ditugu aipatu gabe utzi, eskualdeko zein Euskal Herriko osoko euskal preso politikoak. Haien egoera bereziko gogorra zen jada, eta pandemiak are gogorragoak bilakatu ditu hauen kartzelaldiak. Haiek barrutik, eta guk kanpotik eragiteko unea da. Haien borrokaz harro gaudelako, eta denak etxean izan arte ez dugulako amore emango.

Azkenik, gaur Artanda mendian egonik, duela 84 urte mendi hauetan demokraziaren eta aberriaren alde bizia emandako gudari eta milizianoak ekarri nahi ditugu gogora. Militarki garaitu gintuztelako, baina herri hau suntsitzea lortu ez zutelako. Ezker Abertzaleak, herria bizirik mantentzen jakin zuelako, etsaiari agin zorrotzez erantzuten jakin genuelako, eta gaur ere, hemen jarraitzen dugulako, Euskal Herria aske, independiente, sozialista eta feminista batean alde borrokan.

Gora Euskal Herria askatuta eta gora Hego Uribeko gazteria!

Argazkiak: Hego Uribeko Ernai

Gora

Geuria Laguntzaileak Geuria Laguntzaileak