Komunikabidea

Irrimarra bikoteak jarraituko du Dani Maiz irudigileak GEURIAn irekitako bidea

Urtarriletik GEURIAn argitaratutako irudiak / Irrimarra

Irrimarra bikote irudigileak hartu du GEURIA komunikabidean Dani Maiz basauriarrak hasitako bidea. 2014ko urritik, komunikabidearen sorreratik, 2021eko abendura arte azal ilustratua egiteko ardura hartu du Dani Maizek. Zazpi urte luzez, Hego Uribe eskualdeko hainbat une ezberdin jasotzen dituzten larogehi irudi berezi sortu ditu irudigile basauriarrak. Horietako batzuk hemen ikusgai dira.

Aurtengo urtarriletik aurrera, proiektuan jarduteko konpromisoa hartu du Irrimarra bikoteak. Karmele Gorroño galdakoztarra eta Irene Irureta zumaiarra dira Irrimarran sortzaile. Orain arte kaleratu dituzte herrimiña, osasun mentala, Marienea, Iñigo Cabacasi buruzko irudiak sortu dituzte, besteak beste. Horiek eta hemendik aurrerakoak GEURIAren paperezko edizioan eta euskarri digitaletan argitaratuko dira. Horrela, Hego Uribe eskualdeko irudigileekin harremana eta konpromisoa berretsi du GEURIAk.

Gora

Geuria Laguntzaileak Geuria Laguntzaileak